Hvað er einelti?

Einelti er endurtekið líkamlegt og/eða andlegt ofbeldi þar sem einn eða fleiri níðast á eða ráðast aftur og aftur á einhvern einstakling.

Andlegt einelti felst t.d. í því að:

• skilja einhvern útundan eða setja einhvern út í “kuldann” s.s. neita um aðgang að samfélagi jafningja,
• tala illa um einhvern, ógna eða hæða með orðum, niðrandi og særandi athugasemdir um viðkomandi (svipbrigði, andvörp, grettur, bendingar o.fl.),
• skemma eða eyðileggja reglubundið fyrir einhverjum, s.s. húfur, trefla, úlpur o.fl.

Líkamlegt einelti felst t.d. í því að:

• hrinda, sparka í, slá eða klípa einhvern,
• halda einhverjum föstum eða loka einhvern inni gegn vilja hans.

Svona vinnum við gegn einelti

Til að komast að því hvort einelti sé í skólanum:

• könnun um líðan er lögð fyrir nemendur a.m.k. einu sinni á ári (nafnleynd),
• starfsfólk er hvatt til að láta vita ef það hefur grun um að einelti sé í skólanum,
• nemendur eru hvattir til að tilkynna um einelti,

Við tökum á einelti með eftirfarandi hætti

• gerendur eru teknir í einstaklingsviðtöl,
• viðtalinu er fylgt eftir,
• stuðningsviðtöl við fórnarlambið,
• stuðningsviðtöl við gerandann.
• foreldraviðtöl.

Fyrirbyggjandi aðgerðir:

• vináttuæfingar,
• skólareglur,
• fræðsluefni,
• lífsleikni.